tere qadamon pe sar hogaa qazaa sar pe khari hogii
phir us sajde kaa kyaa kahanaa anokhii bandagii hogii
phir us sajde kaa kyaa kahanaa anokhii bandagii hogii
nasiim-e-subah gulashan mein gulon se khelatii hogii
kisii kii aakharii hichakii kisii kii dillagii hogii
kisii kii aakharii hichakii kisii kii dillagii hogii
dikhaa duuNgaa sar-e-mahafil bataa duuNgaa sar-e-mahashar
vo mere dil mein honge aur duniyaa dekhatii hogii
vo mere dil mein honge aur duniyaa dekhatii hogii
mazaa aa jaayegaa mahashar mein phir sunane-sunaane kaa
zubaaN hogii vahaaN merii kahaanii aap kii hogii
zubaaN hogii vahaaN merii kahaanii aap kii hogii
tumhen daanistaa mahafil mein jo dekhaa ho to mujarim
nazar aaKhir nazar hai be-iraadaa uTh ga_ii hogii
nazar aaKhir nazar hai be-iraadaa uTh ga_ii hogii
0 comments:
Post a Comment