Hindi Shayari

Yeh kaisi meethi uljhan hai ?
Dhoop tumhari yaad dilaati,
Chao tumhari hi baaten hain,
Aankhe ek jhalak ko pyaasi,
Bhule nahi bhula paate hain,
Itnaa kyon mohit yeh mann hai !
Tumse milane ko aatur kyon,
Mera rom rom rehta hai,
Pyaar sahi hai , paap nahin hai,
Kyon mera antar-mann kehta hai,
Zidd hai ya diwanaapan hai !!
Mitti ki saundhi khushaboo si,
Ya puja ki jhanjhar jaisi,
Rimjhim rimjhim barkha ho,
Tum bahati nadiya ke sur si,
Tum mein hi meraa Vrindawan hai !!!